Joan Pau Pujol (1570-1626) Concert de Setmana Santa / Easter Recital 1999.04.02 Vexilla regis prodeunt, fulget crucis mysterium, quo carne carnis conditor suspensus est patibulo. Quo vulneratus insuper mucrone diro lanceæ, ut nos lavaret crimine, manavit unda et sanguine. Arbor decora et fulgida, ornata regis purpura, electa, digno stipite tam sancta membra tangere! Beata cuius brachiis pretium pependit saeculi! statera facta est corporis praedam tulitque Tartari. Salve ara, salve victima de passionis gloria, qua vita mortem pertulit et morte vitam reddidit. O Crux ave, spes unica, hoc Passionis tempore! auge piis iustitiam, reisque dona veniam. Te, fons salutis Trinitas, collaudet omnis spiritus: quos per Crucis mysterium salvas, fove per sæcula. Amen.
Keywords: Escolania, Montserrat, Joa, Pau, Pujol, Vexila, regis
No comments:
Post a Comment